खुल्ला बुद्धिचाल प्रतियोगिता

मोरङको मधुमल्लामा यहि मिति २०७१ असोज ९ गतेका दिन ( बिहीबार) मधुमल्ला गा.वि.स. स्तरीय खुल्ला बुद्धिचाल प्रतियोगिता सम्पन्न भएको छ । दीपज्योती युवा क्लब मधुमल्लाले विजया दशमी , शुभ दिपावली तथा छैठ पर्वको पावन अवसर पारेर श्री भगवती उच्च. मा.वि.को सभाहल मा सम्पन्न प्रतियोगितमा सहभागी कुल १८ प्रतिष्पर्धीलाई उछिन्दै मधुमल्लाका नविन चाम्लीङ (राई) प्रथम,  ऋषिराम राई द्धितिय , दिपक गुरागाई तृतीय र मोहन लिम्बु सान्तवना घोषीत भए । कार्यक्रममा प्रथम द्धितिय, तृतिय र सान्तवना हुने लाई क्रमस १००१। ५०१। ३०१। र १०१ साथै ट्रफी , चेस र प्रमाण पत्र वितरण गरीयो ।

 

 कार्यक्रममा विजया दशमी, शुभ दिपावली र छैठ पर्वको शुभकामना आदान प्रदान कार्यक्रम समेत राखीएको् थियो । कार्यक्रममा ने.क.पा. एमाले मधुमल्लाका बुद्धीलाल निरौला, ए.नेकपा माओवादीका मेघनाथ घिमीरे , मधुमल्ला युवा क्लबका ज्ञानेन्द्र बराल ,श्री भगवती उच्च. मा.वि. का प्राचार्य श्री विजय कुमार गुप्ता लगायत अन्य संघ संस्थाका प्रतिनिधीहरुले शुभकामना आदान प्रदान गर्नु भएको थियो । कार्यक्रम क्लबका अध्यक्ष सन्तोष गौतमको सभापतित्वमा सम्पन्न भएको थियो ।